你出錢我出力，一齊捐錢震災

地震死好多人，你有沒有諗過捐錢﹖每個香港人都好忙，就連看報紙都沒有空間，左邊的圖片不是兩個小朋友在瓦礫下被救，而是死了在瓦礫下。有時候我都會問我何以做些什麼，然後唔理，話自己乜都做唔到。不過，再問深一層，真係乜都做唔到咩﹖

C sir 有一個建議，你俾錢我學籃球，我捐錢俾地震災民。所有學生的學費全數捐俾大陸震災。

朋友建議我不要等到有一個私人場先開始教，可以收一些學生，那樣我可以類積更多的私人籃球訓練經驗，到有場地時就可以做得更好。

其實我一直都有諗過呢個 idea，但係因為人係好懶，好似宜家咁樣，有個歲半的女兒，一天到晚要我陪佢，我自己又教緊唔少波，如果要再收學生，我諗就要有額外的時間，那樣太太又可能會投訴我。所以一直都冇做。

咁啱大陸同緬甸都有自然天災，正好俾個藉口我去努力。

現在我想在網上招收3-5個學生，學生有幾樣要求：

1. 約每2星期約見 一次，在一些戶外的球場 (可以就你)。以約見4次為第一階段，是否進入第二階段就待第一階段完後再傾。

2. 費用每次收$200.- 每次一個半小時。

訓練的內容包括：

1. 測試你的單項技術水平
2. 基本動作指導修正
3. 訓練建議
4. 攝錄動作分析
5. 回答你的問題，修訂和建立合宜目標。

今天或過兩日我會去捐錢，收據會在這裏登出來，我不會講大話。

有興趣的人請電郵聯絡我，由於我希望有不同的人參加，所以不同的年齡層也要有，不是先到先得，請提供你的一些簡單背景，例如：年齡、體重、身高、目標。

歡迎二人同行，收費一樣是 $200.- ，但因為時間會少了一半，所以你學的東西會少左。

我的電郵：reboundministry@gmail.com

每一個人都能夠為社會做一點事，只要你想幫，一定可以，希望大家都試下諗下自己可以做什麼幫受災的人。