為乜﹖

我其實唔係想做生意，亦無興趣賺錢，我最想的只不過是和一些好朋友一齊游下水，打下波，唔駛食海鮮同魚翅。

不過我好想每一件自己做的事都有進步。所以我希望可以教波都教得更加好，但係我唔係想做生意人，賺錢發達。另一樣就係想唔受人控制，唔駛做一ｄ無公義的事情。

尋日同一位朋友去旅行，佢每個月開消都要過十萬，賺少ｄ都唔得。

佢的壓力有幾大﹖看見佢個樣好少笑，出來玩都係唔多出聲就知。

在大陸做生意，可以因為政府一個政策更改就瓜得，（好似勞動法），又或者人民幤升，由賺都會變蝕，每個月下屬出糧和生意周轉，少個”磞”都唔掂。生意做得細就營營役役，生意如果做大，就有人來問你拿錢，如果唔係就搞你。

朋友做左幾年生意，已經無得番轉頭，又唔可以出來打份工，要繼續做落去。

我聽完佢ｏ既故仔，個人都有ｄ縮。

現在好地地，無隙隙整達隙，揹到一身債，睇住無學生日日自己租個場來練功咩﹖

我唔係咁易放棄的人，就算輸緊３：０　只要仲有機會，我都會努力，但係到底點搞，真係要諗得好清好楚。

By the way, 一周刊登左個廣告，前港隊教練 Tim Darling 都幫呢間公司教籃球，佢地專做兒童，一定收到好貴，有私人的戶外籃球場，個樣好High。有興趣去了解下，不過間公司我諗都幾新，www.nobleplace.net